26/06/2017

GAEL (SOM DO GALPOM)

Programa 59



Aló polo 2005 Gael xuntouse á idea de seu irmán Brais e o seu amigo Juan para crear unha agrupación buscando unha música orixinal e diferente. Dende A Moniña, onde comezaron, seguen agora coa quinta formación, di o noso convidado, polo que unha chea de músicos foron modulando o que agora é Som do Galpom.

No 2008 recibiron varios premios, entre os que destacou o Nsaio no Camiño, por ser o salto definitivo á escena pública. Na súa carreira profesional tamén houbo lugar para a participación no A Polo Ghit ou no Cantalingua!.

Esa xeografía galega que xa teñen percorrida viviu toda a enerxía e a conexión co público que sempre pretenden atopar. Proximamente Brais e Gael Bassave, Pablo Rey, Iván Bernárdez e Javi Miranda estarán en Compostela, Barreiros ou Serra de Outes, para continuar dicíndolle á xente iso de "Baila", e para enchernos a todos de boas vibracións.

 

Sem comentários:

Enviar um comentário